Превземено

Подземната сообраќајница во знакот на бројот шест

Новиот булевар ќе биде на шест метри длабочина, со шест ленти во двата правца и ќе се пушти во употреба по шест години


Изгледот на подземната сообраќаница е топ-тема во јавноста
Турската компанија „Лимак“ што го доби земјиштето на Јужен булевар за една година треба да почне со ископ на подземната сообраќајница, која ќе биде на длабочина од шест метри, со по три ленти за двата правци.
Компанија за 3,27 милиони евра купи околу 32.000 квадратни метри државно земјиште, каде што ќе гради станбен, трговски и хотелски комплекс и има обврска во целост да ја изгради подземната сообраќајница и потоа без надомест да ја предаде во владение на градот.
– Сообраќајницата ќе биде пуштена во употреба откако ќе се изгради и земјиштето над неа. Ќе биде во должина од 800 метри и ќе има по три ленти во двата правци, како и простор за застанување – истакна Коце Трајаноски, градоначалник на Скопје, по потпишувањето на договорот со „Лимак“. Во договорот се предвидува турската компанија целиот проект да го заврши за шест години.
Од градот велат дека дополнително ќе биде подготвено проектантско решение за тоа како оваа подземна сообраќајница ќе се поврзе со Теодосиј Гологанов и улицата што води кон населбата Црниче.
– Скопје е голем културолошки град и сигурни сме дека ќе се изгради во многу брзо време. Ние имаме работено на многу проекти и сме една од 250 најдобри фирми за градежништво – рече Халдун Фират Конктурк, претставник на „Лимак“ за Балканот.
Во однос на тоа колку ќе чини изградбата, Конктурк не може да прецизира, но истакна дека според нивната процена тие ќе вложат разумна цена и ќе се придржуваат на деталниот урбанистички план.
Групацијата „Лимак“ постои 36 години, една е од водечките компании во Турција на полето за производство и дистрибуција на електрична енергија, поседува 10 фабрики за производство на цемент, има изградено осум хотели, а оперира и со аеродромите „Сабиха Гокчен“ во Истанбул и меѓународниот аеродром во Приштина. Групацијата има добиено и концесија за управување со најважните пристаништа на Медитеранот во градот Искендеурн во Турција.
Извор: Нова Македонија

Related posts
изборПревземено

Од Цар Филип до Александар Велики

изборПревземено

Германците и Александар Македонски

изборПревземено

Русите и Александар Македонски

Newsletter
Sign up for our Newsletter
No spam, notifications only about new products, updates and freebies.

Leave a Reply

Your email address will not be published.