Турската држава и плати на Тајната македонско-одринска револуционерна организација (ТМОРО) 14 500 златни лири за откуп на грабнатата американска мисионерка мис Елеонора Стон.
Таа била грабната на 21 август 1901 од четата на Јане Сандански, на патот меѓу Банско и Горна Џумаја . Добиените пари главно се употребувале за купување оружје.
Мис Стон, престојувајќи кај македонските револуционери од почетокот на овој век, ги сфати и прифати националноослободителните цели на ТМОРО и по нејзиното враќање во САД ги популаризираше.
