Грозјето Македонско
Дион правел многу убаво вино со кое што ги поел Македонците.
Тоа било толку вкусно што нашите древни едвај чекале небесните тела да се наместат на начин на кој што би му овозможиле на богот на виното да ги гоштева со своите природни богатства. Бидејќи бил бог, не им го давал рецептот за вкусниот напиток кој некои го нарекуваат амброзија.
Нектар на боговите.
Една светла ноќ од петте престапни, бакхите го заглавиле Дион меѓу дабовите, го опслужиле со нивната посебна моќ, и му го украле рецептот.
Тогаш нашите, користејќи ги нивните силни знаења за мешавини на билки – го направиле виното! Тоа било толку вкусно, боженствено – но, му недостасувало едно нешто…не обземало едно од сетилата.
На вид било бистро и румено, на вкус го топело јазикот повеќе од мед, на допир било мазно како свила, со мирисот ги оживувало сите хормони.
Меѓутоа им недостасувало едно сетило за да биде совршено – сетилото за слух.
На здравје!